طبعاً كنت متحمسه إني أحمل وحللت قبل الدورة بأسبوع و طلع نيقتف :(
فتأخرت الدورة 3 أيام وعادي جتني الآمها وكذا بس ما نزلت
و شربت قرفة ويانسون وبرضو ما نزلت بعد 3 أيام قلت خلني أحلل وكنت توي صاحيه من النوم
حللت و خليت التحليل ع جنب ومدري ما كنت متوقعه شفت الخط الثاني وكان وااضح
رحت أقرأ التعليمات مره ثانية أتأكد سالفه الخط و الخطين
و الحمدلله طلعت حامل و صارت مشاعر ملخبطة فرحة وصدمة وخوف وصياح كلها بوقت واحد
علمت زوجي ( أو بالأصح سمع صراخي وجاء ركض خخخ )
رحنا أخذنا موعد بعيادة عشان نتأكد و حللوا و طلع بوزيتيف
صرفت لي الدكتورة حمض الفوليك و قالت أنه أفضل أخذه قبل الحمل ب 3 أشهر**
و برضو فيتامين دي
وسوت لي عدة تحاليل و طلع عندي كسل بالغدة الدرقية وأخذت دوا تقول لين فترة الحمل وبعدين نشوف ..
بس ما سوت لي سونار او حتى سمعت النبض
بالأسبوع الثامن أو التاسع ناسية سمعتني النبض
بس الألترا ساوند سويتها بالشهر الثالث تقريباً
** حمض الفوليك : قريت بحث أنه مسوين دراسة تقريباً كلنا حمض الفوليك كويس عندنا
لأنه أيام قبل كان فيه تشوه كثير بالإجنة نظراً لأنه أغلب الحمل يكون بالصدفة و الأمهات ما يدرون أنهم حوامل الا بالشهر الثاني
وبرضو بعضهم ما يدرون انه لازم ياخذونه قبل الحمل .. فقرروا يدعمون المنتجات الغذائية بالفوليك أسيد وحتى بالسعودية أغلب المنتجات مدعمة ..
فما في داعي للخوف أنه ما أكلتيه قبل الحمل و تحسين بتأنيب الضمير وكذا << ما حسيت إني مهملة أبد
ليست هناك تعليقات:
إرسال تعليق